BAZTANGO BIDEA

Beste Bide desberdin batera joatea erabaki genuen. Aurreko Bideetan batek baino gehiagok komentatu zigun Baztangoa benetan oso polita zela eta merezi zuela egitea. Entzundakoak labur geratu dira. Paisaia zoragarria da, landaz, mendiz eta zuhaitzez beterik dago. Errekak nonahi. Txorien kanta liluragarriek Bidean kontzertu zeharo desberdinak entzuteko aukera eman digute.

Beti bezala, Bidean aurkitzen ditugun lagunak oso ezberdinak eta interesgarriak izan dira. Kezkatu gaituen gauza bakarra zera izan da: motxilak eramateko enpresarik ez dagoela. Horren ondorioz, hiru etapa egin eta Bidea bukatutzat eman genuen, aurtengoz.

DYLAN INGLIS: ATZERRITAR EUSKALDUNA

Dylan Denny-Stearn Inglis, Devon probintzian jaioa da, 1998an. Durham unibertsitatean giza zientziak ikasten ari zela, urte sabatikoa hartu zuen Euskal Herrira etorrita euskara ikasteko. 2018ko abenduan EGA titulua eskuratu zuen. Bost mintzaira daki: ingelesa, mandarinera, gaztelania, frantsesa eta euskara. Urte ta erdian ikasi du euskara, baita zuberera eta bizkaiera ere. Gehien batua ikasi zuen, baina hasieratik euskalkiaren garrantziaz ohartu zen. Zornotzako barnetegian ere egonda dago. Euskalkiak ikasteko gogoa bere batuaren aberastasuna orrazteko izan da,antza denez.

"Euskara da gehien liluratu nauan hizkuntza. Behin euskara ikasita, atzerritar euskaldunok leku berezia daukagu euskal gizartean. Euskara ikastea zaila dela esaten didatenean asko haserretzen naiz".

Klasean eta kanpoan ikasi behar dela dio. Hiztegia eta gramatika bere kabuz ikasi eta asko aurreratu duela erraten du.

Euskara ikasita....(irakurri gehiago)

Maskarada zoragarria izan zen.

EGUBERRI ETA URTE BERRI ON

Beste urte bat joan zaigu eta berria hobea izango delakoan, prest gaude harrera ikusgarria emateko. Poztasuna, maitasuna, argia, itxaropena, laguntasuna, elkartasuna..... gugan izan dadila.

ZAZPI  SUPISTEKO (LETRA)

DONE JAKUE BIDEA 2018

2017.urtean, Frantziako Bidea bukatu genuen. Aurton, Portugalgo Bidea egin dugu. Sei bide/zati sei egunetan egin ditugu. Hasi eta bukatu. Tuin hasi eta Santiagon bukatu. Paisaia zoragarria, jende larregirik ez, euririk ere ez eta egun batzuetan bero handia. Urteak aurrera doaz, gorputza desbedina urte batetik bestera baina oraindik gogotsu sentitzen gara, zorionez. Beti bezala, batzuetan bakarrik eta beste batzuetan taldean. Oraintxe hitz egiten, oraintxe isiltasunean. Ikuspegia gozatuz edota barneko bakarhizketa lagun onena dugularik. Oporrak hasteko era egokiena iruditzen zait. Bota soberan duguna eta hartu behar duguna. Hori eta gehiago da Bidea.

200 URTE CASILDA ITURRIZAR BILBOTARRA JAIO ZELA (1818-1900)

Casilda Iturrizar bilbotarra jatorri xumeko emakume bat izan zen. Epalza jaun aberatsa eta Casilda Iturrizar Bikote bihurtu ziren eta Epalzak lehen emaztea utzi egin zuen garaiko burgesiaren eskandalurako. 1847an ezkondu ziren. Senarra hil zenean Bilboko sasoi hartako emakume aberatsena bihurtu zen Casilda. Berehala hasi zen bere aberastasuna banatzen. Hasieran txiroenekin hasi zen eta ondoren kultura eta hezkuntza arlora zabaldu zuen bere ekarpena. Bilboko Udalak oraindik ematen ditu Casilda Iturrizar izeneko bekak.

Benetako aberastasun banaketa, Casilda Iturrizar hil ostean etorri zen ordea, 1900.urtean. Bere aberastasun ia guztia hiriko behartsuen eta hezkuntzaren alde banatu zituen (10 miloi pezeta). Tiboliko eskolak egiteko 550 mila pezeta eman zituen, adibidez.

Casilda Iturrizar da gaur egun pertsona bakarra Bilboko bi lekuk bere izena daramatena: Casilda Iturrizar parkean batetik eta bestetik Areatzan, bera bizi izan zen kalea.

CALL ME BY YOUR NAME?

It's a moving, sweet and tender film. The romance is between a handsome university research assistant and his professor's intelligent 17-year-old son who is struggling with his sexuality.

Oliver (Armie Hammer) arrives at the home to spend the summer helping the professor with research. Elio (Timothée Chalamet) notices Oliver immediately. Oliver is smart, witty and tall. Stuhlbarg as the gentle father and mentor, is great, too.

Call Me By Your Name is an honest story of hearts on fire, broken, and then healed. It's a message of tolerance and love for us all. 

Udako egunak dira Italiako zelaietan. Eguzkiak ez du errukirik. Zuhaitzen gerizpeei esker, ibai, laku eta putzuetako urak freskatu, eta mahaiaren bueltan egiten diren bazkaloste luzeek eta entsalada eta frutekin egindako otorduek, gauetako epeltasunera hurbiltzen gaituzte.

MOTXILADUN HAURRAK (Eiteb - UR HANDITAN)

Atzo, urtarrilak 9, Eitb - 1ean UR HANDITAN eman zuten saio hau: motxiladun umeak. Gaur ikusi dut ordenagailuan zeren atzo ezin izan nuen ikusi. Ezagunek eta lagunek biziki esan didate merezi duela ikustea. Benetan hunkitu nau. Xabier Madariagak badaki nola egin saio bikainak, kasu honetan bezala. Nire ikuspuntutik argi dago presoen haurrek ez direla errudunak. Ez dute merezi tratu eskas hau. Badaude presondegi hurbilagoak. Min egin duenak ordaintzea ongi, baina ez inguruko guztiek.

Mingarri diren zauri ugari daude gure artean. Gatazka gogorra jasan izan dugu, politikoa eta armatua. Preso izateak, berez, askatasun eza dakar. Baina euskal presoak ehundaka kilometrotara urrentze dituzte. Orain dela 5 urte inguru ETAk utzi zuela albo batera bide armatua. Konponbide egoki batera heltzeko garaia dela uste dut.

ETA ended its armed struggle 5 years ago. About 349 Basques are far away from the Basque Country jails. How can the knot be untied?

MARCO MEZQUIDA

Marco Mezquida 1987an jaio zen Menorcan. Bere musika ikasketak Mahón-en hasi zituen 7 urte zituela. Gaur egun, jazz eremuan asko baloratuta dago eta 40 diskatik gora argitaratu ditu.

Ha actuado en numerosos Festivales Internacionales de jazz en más de 25 países en 4 continentes y en clubes emblemáticos.

Mezquida is one of the most active pianists in the Spanish jazz scene. He has been taught in seminars and masterclasses by famous musicians. He's also Professor of High School of Music in Barcelona and at Liceu Conservatoire.

DONE JAKUE BIDEA 2017

Orain dela urte batzuk hasi ginen bidea egiten. Urtero bost bat egun. Beti ilusio handiarekin joaten izan gara. Iritsi gara Santiagora azkenik. Poztasuna eta pena handia amaitu dugulako. Helburu berriak jarri beharko dira berriz datozen urteetako.

Hau izan da ibilbidea:

• Sarria - Portomarin
• Portomarin - Palas De Rei
• Palas De Rei - Arzúa
• Arzúa - Pedrouso
• Pedrouso - Santiago

Galiziatik erromaniko ugari ikusi dugu, baita barrokoa ere.Paisaia ezin ederragoa da. Zuhaitz asko gerizpea oparituz. Eguraldia ona. Ez du bero larregirik egin, ezta euririk ere.

EGUN ON!!!

Egunero eta urteetan zehar goizero bidali ditudan "egun onak" dira hauek. Jendeak pozik hartzen dituela jakin badakidanez, horrela jarraitzeko asmoa dut beste hainbat eta hainbat egunetan. Alaitasuna, poztasuna, indarra....zabaldu nahian egiten dudan ekintza zoragarria dela iruditzen zait.