Sahagun-ean utzi genuen Bidea azkeneko aldiz orain dela
pare bat urte. Azkenean iritsi da garaia berriro bueltatzeko utzi genuen
lekuan. Faltan bota izan dut bidearen elikagaia: nekea, izerdia, hausnarketa,
isiltasuna, soberan dudana kaleratzea, falta zaidana hartu eta barneratzea…Ikasturtearen
bukaeran pilatutako nekea eta estresa desegiteko une ezin hobea iruditzen zait.
Eguraldia ederra egin du bost egun hauetan,
pixka bat tenperatura altuak baina goizean goizetik atera garenez…ez da
arazorik egon. Aterpe batzuk oso onak eta beste batzuk ez hain onak baina denak
beharrezkoak atsedena hartzeko. Lagunen artean poliki ibili gara, barre batzuk
bota ditugu eta jana eta edana ez dira falta izan. Jende xelebrea ezta falta
izan Bidean: David, Pepe eta abar.
Laburra iruditu zaigu baina atsegina. Hurrengoan ere Bidea hartzeko
prest gaude Astorgan.
