PATXI URRUTIAREKIN SOLASEAN

Mundua aldatzerik ez dago, bakoitzak gure herria lehenago aldatzen ez badugu.(Argia.com)

ZER DEMONTREZ DA LEHIAKORTASUNA?

Gilles Ardinat-en ustez __ eta beste askoren ustez__ lehiakortasuna helburu jartzeak mozorrotzen du nazio-estatuek agintea eta burujabetza galtzea. Horrela ezinezkoa da jarduera politikoaren bidez herritarrak babestu ahal izatea.

Nork asmatu du lehiakortasuna muturretara eramatea denontzako onuragarria dela? Lehiakortasuna ezarri diete enpresek eta nazioarteko merkatuek agintari politikoei.Eta orain agintari hautatuengandik zer espero dezakegu?

Lehiakortasunaren batailaren izenean,politikariek baimentzen diete ugazabei lanaren kostea murriztea.Eta zertarako? Enpresek beti lortuko dituzte eskulan merkeagoko lekuak.Europan lana merkaturik lortzen den gauza bakarra kapitalaren irabaziak gizentzea da.

Lehiakortasuna hobetzeko aitzakiaz,Europa osoan nagusitu da BEZa igotzea, soldatak jaistea,aurrekontu publikoak murriztea.

Pauk Krugman ekonomialari Nobel saridunak zera dio "esanahirik gabeko hitz hutsa da lehiakortasuna ekonomia nazionalei dagokienean. Lehiakortasunerako obsesio hori faltsua da eta arriskutsua.

"Lehiakortasuna" deitzen diotela bizi maila txartzeari (Argia.com)

Euskaldunen lurraldean - The land of the basques

Orson Welles zinemagile estatubatuarrak Euskal Herrian filmatutako dokumentala, 1955ean BBC kate britaniarrak Wellesi eskatu zion nolabaiteko bidai dokumental sorta bat egin zezan, Around the World with Orson Welles deiturikoa.

(Argia.com astekaritik)

TXINAN ERE USTELKERIA NAGUSI

Wen Jiabao, Txinako Lehen Ministroa,ustelkerian harrapatu dute.Wen Jiabaok,bere familiak eta lagunek izugarrizko dirutza bereganatu dute. Dirutza hori ez da izan legala,baizik eta goi-mailako lapurketaren ondorioa. Txinan gehienak ez dira enteratu ezta enteratuko ere.Hala ere, txinatar batzuk irakurriko dute David Barbozak idatzitako artikulu ederra gertaera honen inguruan.Badirudi David kazetariaren lana oso ona dela.

Wen Jiabaoren ama andereñoa izan zen Txinako Iparraldean.Orain dela gutxi Lehen Ministroak berak gogoratu zuen hitzaldi batean “bere familia benetan txiroa izan zela”.

Wen jaunaren bi seme-alabak, bere anaia gazteena eta koinatua oso aberatsak bilakatu dira Txinako Lehen Ministroaren agintean.

Mundu osoa dago kinka larrian.Oso zaila da agintari zintzoak aurkitzea. Non dirua han ustelkeria.Non dago itxaropena? Non daude balore positiboak? Zer egin dezakegu botererik ez dugunok? Krisi ekonomikoa da garrantzitsuena?

Honetaz gehiago jakin nahi baduzu irakur ezazu David Barbozak idatzitako artikulua The New York Times egunkarian: 

Billions in Hidden Riches for Family of Chinese leader.

BIGARREN MUNDU GERRA

Alemaniak Lehen Mundu Gerra galdu ostean mendeku nahiari eutsi zion. Adolf Hitlerren agindupean, hedapen politika gogor bati ekin zion. Inguruko estatuak bereganatu eta Poloniari eraso zion.

Bitartean, Ozeano Barearen ingurumean , Japoniak ere hedapen politika bat abiarazi zuen (Txina, Indotxina eta Filipinak menperatu nahian).

Ameriketako Estatu Batuak Japoniaren hedapen politika gauzatzeko oztopo nagusi bilakatu ziren.

Beraz, Bigarren Mundu Gerraren zergati nagusiak hauek izan ziren: aipatutako diktadura horien oldarkortasuna eta hedapen politikoa.

Gerra honen ondorio batzuk hauek izan ziren:

• 50 milioitik gora hildako (soldadu eta zibilen artean).
• Europa, suntsituta. Dena berreraiki beharra.
• Alemaniak bere estatusa galtzen du.
• Europak nagusitasuna galtzen du.
• Japoniak bere eraginpeko eremuak galdu zituen Ozeano Barean.
• Faxismoren desagerpena (Espainian izan ezik).
• Gerra hotza, bloke komunista eta kapitalistaren artean.

Hemen dituzu dokumental interesgarri batzuk:

• Aggression
• Crushing Defeat
• Shock
• The World Ablaze
• The Great Landings
• Inferno

DONE JAKUE BIDEA

Abuztuaren lehenengo astean, nire arreba Aintzanek eta biok Bidean egindako argazki batzuk jarri ditut hemen. Santo Domingo-n hasi eta Fromista-raino heldu ginen. Jende jatorra ezagutu genuen eta 120 km inguru egin genituen. Buruari atseden txiki bat eman genion, baina ez gorputzari. Azkenean pena ematen du bidetik ateratzea baina badakigu bueltatuko garela. Datorren udan berriro itzuliko gara utzi genuen lekutik Bideari jarraitzeko.

"Arrasate 1936: Emakumea, gerra eta errepresioa"

Dokumental hau, Arrasateko Amaia antzokian, 19:00etan euskaraz aurkeztuko dute. Datorren asterartean izango da (irailak 18).

CARLO MARIA MARTINI KARDINALA

Carlo Maria Martini italiar kardinala izan zen. Milango artzapezpikua izan zen 1980-2002 artean. Bere kideen artean ikuspuntu liberalak zituen eta 2005eko konklabean Aita Santua izatekotan egon zen.1998an ¿En qué creen los que no creen? liburua argitara eman zuen. Aintzinako hizkuntzetan aditua zen eta Italieraz gain, Ingeles, Alemaniera, Frantses, Portuges, Greziera eta Arabieraz mintzatzeko gauza zen.

Irakur ezazu  "Eliza akituta dago" artikulua Argia aldizkarian.

EUSKAL KANTAK

Euskal kantagintzari eskainitako webgunean sartu zara. Egitasmo honek 40 urteko ibilbidea jasotzen du, 60ko hamarkadaren hasieran kantagintza berria sortu zenetik milurtekoaren amaierara arte. Oso urte bizi, emankor eta aldakorrak izan ziren euskarazko kantagintzarentzat, atarian bildutako edukiak erakusten duenez.

Garaian garaiko bilakaera estetiko eta estilistikoaren ildo nagusiak laburbiltzen dituzten bederatzi atalez gain, 160 biografia inguru, 1.000tik gora disko, DVD eta libururi buruzko informazioa, 270 diskotako hitzak jatorrizko diseinuarekin, ehunka argazki, 300dik gora kantu, 16 diskoetxeren biografia laburrak, bibliografia bat, bideoak eta gure kantagintzari buruzko azken albisteak aurkituko dituzu bertan.

Baina hau abiapuntua besterik ez da. Hazten, osatzen eta hobetzen joateko asmoarekin plazaratu da www.badok.info, gure kantagintzaren berri jaso edo eman nahi duenaren tresna eta erreferentzia izan dadin. Horretarako, zure laguntza eta ekarpena ere garrantzitsuak izango dira. 

Eskerrak eman nahi dizkiegu proiektu hau aurrera ateratzen lagundu duten instituzio, diskoetxe eta babesleei, eta bereziki, Eresbil Musikaren Euskal Artxiboari, haren funtsekin osatu baita orain eskura duzun datu basea.

DONEJAKUE BIDEA

Done Jakue apostoluaren heriotzatik zortzi mende pasa ondoren, Hispaniako ipar mendebalde ingurua Done Jakue apostolua, zonaldea ebanjelizatu ostean, bertan hilobiratu zutenaren kondaira zabaldu zen. Alfontso II.a bertara hurbildu zen bere gorte guztiarekin, historiako lehen erromesa izan zelarik. Iritsitakoan bertan elizatxo bat eraikitzea agindu zuen. Albiste hau azkar zabaldu zen inguruko lurretan. 

814.urtetik aurrera Compostelako Donejakue erromesak jasotzen hasi zen, apostoluaren hilobiaren aurkikuntzaren ostean.

XII.mendearen lehen erdian bultzada handia izan zuen bertarako erromesaldiak. Albistea azkar zabaldu zen Europa katolikoan zehar eta bertatik erromesak iristen hasi ziren hilobia zegoen gunea Campus Stellaera, eta hortik egungo Compostela izena.